Ռուս սրտաբան, հեռուստահաղորդավար և հասարակական գործիչ Ալեքսանդր Մյասնիկովը խոսել է խռմփոցի մասին։
Նա մանրամասն խոսել է այն մասին, թե ինչպես հաղթահարել այն և արդյոք հնարավոր է լիովին ազատվել դրանից:
Նրա խոսքով՝ խռմփոցը ոչ միայն ձայն է, որը խանգարում է ուրիշներին քնել, այլև լուրջ բժշկական խնդիր, որը կարող է հանգեցնել քնի որակի վատացման, ցերեկային անընդհատ հոգնածության, բարձր արյան ճնշման և դյուրագրգռության: Բժիշկը նշել է, որ խռմփոցի դեմ արդյունավետ պայքարը սկսվում է քիմքի, կոկորդի մկանների ամրապնդումից: Հատուկ վարժությունները իսկապես օգնում են նվազեցնել կամ նույնիսկ լիովին վերացնել խռմփոցը:
Մյասնիկովը տվել է արդյունավետ վարժություններից մեկը. անհրաժեշտ է լեզուն հնարավորինս առաջ և մի փոքր ներքև ձգել՝ զգալով լարվածությունը դրա հիմքում: Այնուհետև լեզուն ամրացնել այս դիրքում 1-2 վայրկյան և արտասանել ձգձգված «Ի» ձայնը:
Այս վարժությունը պետք է կատարել օրական 30 անգամ՝ առավոտյան և երեկոյան:
Ինչպես ընդգծել է բժիշկը, այս վարժությունները մեկ ամսվա ընթացքում պարբերաբար կատարելը օգնում է զգալիորեն նվազեցնել խռմփոցի ինտենսիվությունը և բարելավում քնի որակը:
Նա հավելել է, որ եթե խռմփոցը պայմանավորված է այնպիսի պաթոլոգիաներով, ինչպիսիք են ապնոէն, միջնապատի շեղումը կամ ճարպակալումը, միայն վարժությունները բավարար չեն. անհրաժեշտ է մասնագետի խորհրդատվություն և համալիր բուժում: