Այսօր՝ հունիսի 5-ին, արտակարգ դեպք է տեղի ունեցել Կոտայքի մարզում: Ժամը 17:00-ի սահմաներում Արմավիրի մարզի բնակիչ 39-ամյա Արթուր Խ.-ն իր վարած «Shacman» մակնիշի բետոնախառնիչով Ջրվեժի ամառանոցների տարածքում բախվել է գազատար խողովակներին:
 
Ինչպես հայտնում է ֆոտոլրագրող Գագիկ Շամշյանը, վթարի հետևանքով բարեբախտաբար տուժածներ չկան:

Բախման հետևանքով կոտրվել են գազի մի քանի հաշվիչներ: 
 
Դեպքի վայր են ժամանել ՀՀ ներքին գործերի նախարարության փրկարար ծառայության Երևանի թիվ 9-րդ հրշեջ-փրկարարական ջոկատից 1 մարտական հաշվարկ: 

Ժամանել են նաև «Գազպրոմ Արմենիա» Կոտայքի ԳԳՄ-ի աշխատակիցները, քանի որ գազախողովակներին բախվելու հետևանքով առաջացել էր գազի արտահոսք: