Ջրհոս

Երբ կայունությունը ձանձրույթ չէ, այլ պարգև՝ ինքն իրեն հավատարիմ լինելու համար

Գումարը, նախագծերն ու գաղափարները, որոնք նախկինում կարծես թե խրված էին անորոշության մեջ, կսկսեն իրենց պտուղները տալ։ Դուք կտեսնեք՝ այն ամենը, ինչ ստեղծում էիք լուռ ու համբերատար, հանկարծ տեսանելի ու արդյունավետ է դառնում։

Այժմ գլխավորը կենտրոնացումը չկորցնելն է։ Պարտավոր չեք սարեր շուռ տալ։ Բավական է հստակ իմանալ, թե ուր ուղղել ձեր էներգիան։ Զարմանալի կերպով նույնիսկ ռիսկը կսկսի խելամիտ թվալ, քանի որ ձեր ներքին ձայնն ավելի սուր կդառնա։ Եվ այն ձեզ չի դավաճանի։

Երկվորյակներ

Կարծես աճպարարը գլխարկից ոչ թե նապաստակ է հանում, այլ վաղուց կորցրած երազանք

Դուք կզգաք ռիթմի փոփոխություն՝ ոչ թե կտրուկ, այլ հաստատակամ։ Այն, ինչը նախկինում մշուշոտ էր, այժմ հստակ է ուրվագծվում։ Առաջարկները, որոնք սկզբում «պատահական» կթվան, իրականում շրջադարձային կդառնան։

Այս շրջանի բանալին կապերն են։ Մարդիկ, որոնց կհանդիպեք, կարծես կատարելապես կլրացնեն ձեր կյանքի խճանկարը։ Մեկը խորհուրդ կտա, մյուսը՝ գաղափար, երրորդը՝ պարզապես կբացի ճիշտ դուռը։ Եվ այո՛, պետք է արագ գործել։ Աշունը երկար մտորելու համար չէ, այլ քայլ անելու։ Մեկ, բայց համարձակ քայլ՝ դեպի առաջ։

Ձկներ

Սերը ճակատամարտ չէ, այլ ուրիշների մեջ ինքդ քեզ զգուշորեն բացահայտելու ճանապարհ

Եթե ձեզ երկար ժամանակ թվում էր, թե զգացմունքները բարդ, խճճված կամ նույնիսկ ցավոտ մի բան են, ապա աշունն ամեն ինչ իր տեղը կդնի։ Այն կարծես կասի. «Դու արժանի ես քնքշության։ Դու արժանի ես լույսի։ Եվ այո՛, դու արժանի ես, որ քեզ սիրեն առանց նախապայմանների»։

Հնարավոր է հանդիպում, կամ՝ նոր սկիզբ արդեն գոյություն ունեցող հարաբերություններում։ Կամ գուցե պարզապես խորը «այո» ասեք ինքներդ ձեզ՝ այնպիսին, ինչպիսին կաք, առանց դիմակների։ Այս սեզոնը փոթորկոտ չի լինի, բայց հենց այն ձեզ կտա զգացողություն, որ կանգնած եք ամուր հողի վրա։ Եվ ձեր կողքին հենց այն մարդիկ են, ովքեր իսկապես պետք է լինեն։