ԱՄՆ նախագահ Դոնալդ Թրամփը հրամայել է նախկին նախագահներ Բարաք Օբամայի, Ջորջ Բուշ կրտսերի և Ջորջ Բուշ ավագի դիմանկարները տեղափոխել Սպիտակ տան այցելուների տեսադաշտից դուրս, հաղորդել է CNN-ը։
«Նախկին նախագահ Բարաք Օբամայի դիմանկարը, որը մի ժամանակ Սպիտակ տան նախասրահի աչքի ընկնող մասն էր կազմում, տեղափոխվել է շատ ավելի քիչ տեսանելի տեղ, ինչը ընդգծում է 44-րդ և 47-րդ նախագահների միջև տասնամյակներ շարունակվող լարվածությունը», - նշված է հոդվածի մեջ։
Հեռուստաալիքի աղբյուրների համաձայն՝ Թրամփը հրահանգել է իր աշխատակազմին Օբամայի դիմանկարը տեղափոխել մեծ աստիճանների վերևը։ Նշվում է, որ այս տարածք մուտքը թույլատրվում է բացառապես նախագահի ընտանիքի անդամներին, ԱՄՆ գաղտնի ծառայության գործակալներին և Սպիտակ տան աշխատակիցների ընտրյալ խմբին։ Բուշերի դիմանկարները, որոնց հետ ԱՄՆ ներկայիս նախագահը վիճահարույց հարաբերություններ է ունեցել, նույնպես հեռացվել են այցելուների տեսադաշտից։