Amazon առցանց մանրածախ առևտրի հիմնադիր, միլիարդատեր Ջեֆ Բեզոսի` Վենետիկում հարսանիքը Իտալիայի բյուջեին կբերի 957 միլիոն եվրոյի եկամուտ, հայտնել է երկրի զբոսաշրջության նախարարությունը։
Բեզոսի և հեռուստալրագրող Լորեն Սանչեսի հարսանիքը տեղի է ունենում Վենետիկում հինգշաբթիից շաբաթ օրը։ Հիմնական արարողությունը տեղի է ունեցել նախորդ օրը Սան Ջորջո Մաջորե կղզում։
Վենետո շրջանի ղեկավար Լուկա Զայան այս շաբաթ լրագրողներին ասել է, որ տոնակատարությունը Amazon-ի հիմնադրին կարժենա 40-ից 48 միլիոն եվրո, իսկ տոնակատարությանը հրավիրվել է 200-250 հյուր։
957 միլիոն եվրոյի եկամուտը կազմում է քաղաքի տարեկան զբոսաշրջային շրջանառության գրեթե 68%-ը։