Ռուսաստանն ու Ուկրաինան այսօր Ստամբուլում բանակցությունների երկրորդ փուլի արդյունքներով պայմանավորվել են փոխանակել բոլոր ծանր հիվանդ ռազմագերիներին և մինչև 25 տարեկան անձանց, այս մասին լրագրողներին ասել է ուկրաինական պատվիրակության ղեկավար և պաշտպանության նախարար Ռուստեմ Ումերովը:
Ուկրաինան և ՌԴ-ն պայմանավորվել են նաև «6000-ը 6000-ի դիմաց» սկզբունքով փոխանակել զոհված զինվորականների մարմինները։
Ուկրաինական պատվիրակությունը նաև առաջարկել է ևս մեկ հանդիպում անցկացնել մինչև հունիսի վերջ։
Բանակցությունների ընթացքում Ռուսաստանի Դաշնությունը ուկրաինական կողմին է հանձնել երկու մասից բաղկացած հուշագիր։ Ռուսաստանի Դաշնության հուշագրի երկրորդ մասը առաջարկում է կրակի դադարեցման մի շարք եղանակներ, ասել է Ռուսաստանի նախագահի օգնական Վլադիմիր Մեդինսկին։
Մեդինսկին նշել է, որ Ռուսաստանի Դաշնությունը միակողմանիորեն Ուկրաինային է հանձնում զինծառայողների 6000 սառեցված մարմին։
Մոսկվան և Կիեւը կստեղծեն հանձնաժողով՝ առանց քաղաքական որոշումների ծանր վիրավոր զինվորների փոխանակման համար։
Ռուսաստանը Ուկրաինային առաջարկել է «կոնկրետ հրադադար» երկու-երեք օրով՝ ռազմաճակատի որոշակի հատվածներում։
Մոսկվան և Կիեւը կփոխանակեն 25 տարեկանից փոքր զինվորների։