Հոլանդացի ֆուտբոլային մարզիչ Լուի վան Գալը հաղթահարել է քաղցկեղը, գրել են ԶԼՄ-ները։
Նա պայքարում էր շագանակագեղձի քաղցկեղի դեմ 2022 թվականից։
«Ինձ համար դժվար էր վերահսկել մարմինս. հանրային միջոցառումներին մուգ տաբատ էի հագնում՝ հիվանդության հետևանքները թաքցնելու համար»,- հայտարարել է մասնագետը։
«Humberto» հեռուստածրագրի ժամանակ Վան Գալն ասել է, որ ամեն ինչ ավելի ու ավելի դեպի լավն է գնում։ «Ինձ այլևս քաղցկեղը չի անհանգստացնում։ Երկու տարի առաջ ես մի քանի վիրահատություն տարա։ Այդ ժամանակ ամեն ինչ վատ էր։ Բայց վերջիվերջո ամեն ինչ լավացավ, այնպես որ հիմա կարող եմ հաղթահարել դա։ Ես մի քանի ամիսը մեկ ստուգումներ եմ անցնում, և դա լավ է ընթանում։ Ես ավելի ու ավելի լավ ֆիզիկական պատրաստվածություն եմ ձեռք բերում»։