Երեկ՝ հուլիսի 6-ին, ավտոմեքենայի և տրակտորի մասնակցությամբ վթար է տեղի ունեցել Երևան-Աշտարակ ավտոճանապարհին:  Ժամը 23:10-ի սահմաններում Երևան-Աշտարակ ավտոճանապարհի «Ֆլեշ» բենզալցակայանի դիմաց բախվել են «Mercedes» մակնիշի ավտոմեքենան և «BELARUS» մակնիշի տրակտորը:  

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի բժշկական օգնություն ստանալու նպատակով տեղափոխվել է «Արմենիա» բժշկական կենտրոն: 
 
Վիրավորին առաջինը օգնության են հասել «Ֆլեշ» բենզալցակայանի աշխատակիցները և շտապօգնության բժիշկների հերթապահ խումբը: 
 
Դեպքի վայր են ժամանել ՀՀ ներքին գործերի նախարարության փրկարար ծառայության Երևանի թիվ 12 հրշեջ-փրկարարական ջոկատի փրկարարները: 
 
Ժամանել են նաև ՀՀ ՆԳՆ ոստիկանության պարեկային ծառայության Կոտայքի մարզի գումարտակի 1-ին վաշտի պարեկները՝ վաշտի հրամանատար Վահե Գիգոլյանի գլխավորությամբ, սակայն տեղում պարզվել է, որ տարածքը սպասարկում է Երևանի պարեկային ծառայությունը, ինչից հետո ժամանել են ՊԾ Երևան քաղաքի գնդի պարեկները:
 
Ֆոտոլրագրողը հայտնում է, որ բախման հետևանքով տրակտորի հետևի անվահեծանը պոկվել ու շպրտել է, իսկ տրակտորն էլ հաշվառված է Աջափնյակի թաղապետարանի հաշվեշռում, ու սանմաքրման աշխատակիցները կատարում էին ճանապարհի մաքրման աշխատանքներ: 

Վարորդները միմյանց են մեղադրում վթարի մեջ: