ԱՄՆ նախագահ Դոնալդ Թրամփը հայտարարել է, որ Միացյալ Նահանգները մտադիր է զենք մատակարարել Ուկրաինային։
«Մենք կուղարկենք ևս մի քանի զենք։ Նրանք պետք է կարողանան պաշտպանվել։ Նրանց շատ ուժեղ հարված են հասցնում։ Մենք կուղարկենք ավելի շատ զենք, հիմնականում պաշտպանական», - ասել է նա Իսրայելի վարչապետ Բենյամին Նեթանյահուի հետ հանդիպմանը։
Նեթանյահուն նամակ է ուղարկել Նոբելյան կոմիտեին՝ Թրամփին Նոբելյան խաղաղության մրցանակի առաջադրելու վերաբերյալ։
«Ես ուզում եմ Ձեզ, պարոն նախագահ, հանձնել Նոբելյան կոմիտեին ուղարկված նամակը, որով Ձեզ առաջադրում եմ Նոբելյան խաղաղության մրցանակի, որին Դուք լիովին արժանի եք», - ասել է Իսրայելի վարչապետը հանդիպման ժամանակ։