Իրան-Իսրայել հակամարտությունը շարունակվում է։ ՀՀ–ից և դեպի Հայաստան չեղարկվել են և հետաձգվել մի շարք չվերթներ՝ պայմանավորված հակամարտությամբ։
Այսօր համացանցում ահազանգ տարածվեց, որ 17 ՀՀ քաղաքացի այս պահին գտնվում են Երուսաղեմում, և չգիտեն՝ ի՞նչ է լինելու, ինչպե՞ս են վերադառնալու Հայաստան։ Նրանք, որպես զբոսաշրջիկ, մեկնել են հունիսի 10-ին, վերադարձը նախատեսված էր հունիսի 17-ին։
Քանի՞ ՀՀ քաղաքացի է հակամարտությունով պայմանավորված մնացել Իսրայելում, ի՞նչ ջանքեր են ձեռնարկվում իրենց հայրենիք վերադարձնելու համար. MediaHub-ն այս հարցերն ուղղեց ԱԳՆ մամուլի խոսնակ Անի Բադալյանին։
«Իսրայելում ՀՀ դեսպանությունը կապի մեջ է Բեթղեհեմում գտնվող՝ ՀՀ քաղաքացի հանդիսացող զբոսաշրջիկների խմբի հետ, իրականացվում են աշխատանքներ, և ըստ զարգացումների կանդրադառնանք նաև հանրային»,- ասաց Բադալյանը։
Մարիաննա Արամյան