ԱՄՆ-ն և Եվրոպական միությունը համաձայնության են եկել եվրոպական ապրանքների համար 15% մաքսատուրք սահմանելու հարցում, գրել են ԶԼՄ-ները։

ԱՄՆ նախագահ Դոնալդ Թրամփը հանդիպել է Եվրահանձնաժողովի նախագահ Ուրսուլա ֆոն դեր Լայենի հետ Շոտլանդիայում տեղակայված իր գոլֆի ակումբում։

Թրամփը հայտարարել է, որ ԵՄ երկրներից ԱՄՆ ներմուծման մաքսատուրքը կկազմի առնվազն 15%։ ԵՄ երկրները հաջորդ 4 տարիների ընթացքում ԱՄՆ-ից կգնեն 750 միլիարդ դոլարի ռազմական տեխնիկա և էներգակիրներ, նաև 600 միլիարդ դոլար կներդնեն ամերիկյան տնտեսությունում։

Ֆոն դեր Լայենը ասուլիսի ժամանակ ասել է, որ կողմերին հաջողվել է շահավետ գործարք կնքել։