Մասիսի համայնքապետ Դավիթ Համբարձումյանը հայտարարություն է տարածել ու միավորման կոչ արել․

«Դատապարտում եմ ընդդիմադիր գործիչների դեմ սանձազերծված բռնաճնշումների հերթական ալիքը: Օրվա կառավարիչը փորձում է բացահայտ բռնատիրություն հաստատել մեր երկրում:  Աջակցությունս եմ հայտնում բոլոր ձերբակալվածներին: 

Ընդդիմադիր բոլոր ուժերին և անհատներին կոչ եմ անում գոնե ժամանակավորապես մի կողմ շպրտելով ներքին տարաձայնությունները անհապաղ միավորվել, ստեղծել մեկ ընդհանուր պայքարի ճակատ: Միայն այդ պարագայում կա հաղթանակի հնարավորություն»: