Ֆրանսիայի նախագահ Էմմանուել Մակրոնը գրել է․
«Ֆրանսիան բազմիցս դատապարտել է Իրանի շարունակական միջուկային ծրագիրը և ձեռնարկել է բոլոր համապատասխան դիվանագիտական միջոցները ի պատասխան։
Այս համատեքստում Ֆրանսիան վերահաստատում է Իսրայելի իրավունքը՝ պաշտպանվելու և ապահովելու իր անվտանգությունը։
Ամբողջ տարածաշրջանի կայունությունը չվտանգելու համար ես կոչ եմ անում բոլոր կողմերին ցուցաբերել առավելագույն զսպվածություն և թուլացնել լարվածությունը։
Իրանի և նրա միջուկային ծրագրի վրա Իսրայելի հարվածներից հետո ես այսօր առավոտյան հրավիրել եմ Ազգային պաշտպանության և անվտանգության խորհուրդ։
Կձեռնարկվեն բոլոր անհրաժեշտ քայլերը՝ մեր քաղաքացիներին և տարածաշրջանում մեր դիվանագիտական և ռազմական առաքելություններին պաշտպանելու համար։
Կիրառվեն նաև բոլոր միջոցները՝ մեր պետական տարածքի և մեր հայրենակիցների պաշտպանությունն ապահովելու համար։
Ֆրանսիան պատրաստ է համագործակցել իր բոլոր գործընկերների հետ՝ Մերձավոր և Միջին Արևելքում լարվածության թուլացման համար։
Այսօր ես զրուցել եմ Սաուդյան Արաբիայի թագաժառանգի, Հորդանանի թագավորի, Արաբական Միացյալ Էմիրությունների նախագահի, Կատարի էմիրի, Գերմանիայի կանցլերի, Մեծ Բրիտանիայի վարչապետի և Միացյալ Նահանգների նախագահի հետ։
Տարածաշրջանում բոլորի համար խաղաղությունն ու անվտանգությունը պետք է մնան մեր առաջնորդող սկզբունքը»։