Չեխիայի նախագահ Պետր Պավելը հաստատել է օրենք, որը մասամբ ապաքրեականացնում է մարիխուանան:
Նոր կանոնների համաձայն՝ քաղաքացիներին այժմ թույլատրվում է տանը աճեցնել մինչև երեք կանաբիսի բույս և պահել ոչ ավելի, քան 100 գրամ: Տնից դուրս թույլատրվում է ունենալ մինչև 25 գրամ:
100-ից 200 գրամ մարիխուանայի պահպանումը կամ չորսից հինգ բույսի մշակումը կենթարկվի վարչական պատժի: Ավելի մեծ քանակությունները դեռևս կդասակարգվեն որպես քրեական հանցագործություն:
Օրենքը խոչընդոտելու փորձ է արել Չեխիայի Հանրապետության գերագույն պետական դատախազ Լենկա Բրադակովան: Նա զգուշացրել է, որ նոր կանոնը կարող է օգտագործվել թմրավաճառների շահերից ելնելով:
Սակայն Չեխիայի արդարադատության նախարարությունը, որը հեղինակել է նախաձեռնությունը, հերքել է նրա մտահոգությունները՝ մատնանշելով օրենքի դրույթների սխալ մեկնաբանությունը: