Ռուսաստանի նախագահ Վլադիմիր Պուտինը և ԱՄՆ առաջնորդ Դոնալդ Թրամփն անձնական հանդիպում կունենան առաջիկա օրերին։
Այս մասին հայտարարել է Ռուսաստանի նախագահի օգնական Յուրի Ուշակովը։
Նա նշել է, որ Պուտինի և Թրամփի հանդիպման վայրն արդեն համաձայնեցված է, սակայն այն կհայտարարվի ավելի ուշ։ Ուշակովի խոսքով՝ հաջորդ շաբաթը նշանակվել է որպես հանդիպման ուղենիշ, և դրա նախապատրաստական աշխատանքներն արդեն սկսվել են։
Ուշակովը հավելել է, որ ԱՄՆ նախագահի Ուկրաինայի հարցերով հատուկ ներկայացուցիչ Սթիվ Վիտկոֆֆը բարձրացրել է Զելենսկու հետ եռակողմ հանդիպման գաղափարը, սակայն Մոսկվան «այն թողել է առանց մեկնաբանության»։