Մեծ Բրիտանիան կարող է ճանաչել Պաղեստինի պետությունը Գազայում հրադադարից հետո, հայտարարել է վարչապետ Քեյր Սթարմերը։
Նա նշել է, որ Լոնդոնը, իր մերձավոր դաշնակիցների հետ միասին, աշխատում է «տարածաշրջանում խաղաղություն հաստատելու ռազմավարության վրա՝ շեշտը դնելով պատերազմի հետևանքով տառապողների կյանքը փոխող գործնական լուծումների վրա»։ Մեծ Բրիտանիայի վարչապետի խոսքով՝ նման որոշումը կլինի հրադադարը երկարատև խաղաղության վերածելու համար անհրաժեշտ ռազմավարության քայլերից մեկը։ «Իմ դիրքորոշումն այս հարցում միանշանակ է», - ընդգծել է Սթարմերը։
Նա ասել է, որ Պաղեստինի ճանաչումը «պետք է լինի ավելի լայն ծրագրի մաս, որը, ի վերջո, կհանգեցնի Պաղեստինի և Իսրայելի միջև հակամարտության կարգավորմանը»։
Սթարմերի խոսքով՝ հիմքում պետք է լինեն երկու պետությունների համակեցության, պաղեստինցիների ու իսրայելցիների համար երկարաժամկետ անվտանգության սկզբունքը։