Հունիսի 13-ին Իրանի Սպահան քաղաքի միջուկային օբյեկտի չորս կարևորագույն շենքեր վնասվել են, հայտնել է Ատոմային էներգիայի միջազգային գործակալությունը (ԱԷՄԳ) X սոցիալական ցանցի իր պաշտոնական էջում։
Կազմակերպության տվյալներով՝ վնասվել են ուրանի փոխակերպման գործարանը և վառելիքային թիթեղների արտադրության գործարանը։
«Ինչպես Նաթանզում, այնպես էլ տարածքից դուրս ճառագայթման մակարդակի աճ չի սպասվում», - հայտարարել է ԱԷՄԳ-ն։
Ավելի վաղ Իրանի Ատոմային էներգիայի կազմակերպության ներկայացուցիչ Բեհրուզ Կամալվանդին հայտարարել էր, որ Սպահանի միջուկային օբյեկտի պահեստներում հրդեհ է բռնկվել։ Նա նաև ասել է, որ Ֆորդոյի միջուկային օբյեկտի վրա հարվածները միայն սահմանափակ վնաս են պատճառել։