ԱՄՆ նախագահ Դոնալդ Թրամփը Կանադայում G7 գագաթնաժողովից իր հեռանալը չի կապել Իրան-Իսրայել հրադադարի վրա աշխատելու հետ։
«Հրապարակայնության ծարավ Ֆրանսիայի նախագահ Էմանուել Մակրոնը սխալմամբ պնդել է, որ ես լքել եմ Կանադայում G7 գագաթնաժողովը՝ Վաշինգտոն վերադառնալու և Իսրայելի և Իրանի միջև «հրադադարի» վրա աշխատելու համար։
Սխալվում է։ Նա պատկերացում չունի, թե ինչու եմ ես հիմա մեկնում Վաշինգտոն, բայց խոսքը, անկասկած, հրադադարի մասին չէ։ Շատ ավելի կարևոր է։ Միտումնավոր թե ոչ, Էմանուելը միշտ սխալվում է», - գրել է Թրամփը «Truth Social»-ում։
Մակրոնն ավելի վաղ հայտարարել էր, որ Իսրայելի և Իրանի միջև հրադադարի վերաբերյալ բանակցություններ են ընթանում, և եղել է «հանդիպման առաջարկ»։