Քիչ առաջ ԱԺ «Հայաստան» խմբակցության պատգամավոր Զեմֆիրա Միրզոևան ֆեյսբուքյան իր էջում հրապարակում էր արել՝ նշելով, որ այսօր վաղ առավոտյան ՀՀ ոստիկանության Արտաշատի բաժնի ոստիկանները ձերբակալություններ են իրականացնում Վ. Դվին համայնքում։ Նա նշել էր, որ թե՛ կանանց, թե՛ տղամարդկանց բերման են ենթարկում։
MediaHub-ի տեղեկություններով՝ երկու համայնքի բնակիչները ծեծկռտուք են ունեցել, որին մասնակցել է նաև Արևշատ համայնքի ղեկավարի որդին, որը մեր տեղեկություններով՝ այժմ հիվանդանոցում է։
MediaHub-ը կապ հաստատեց ՔԿ մամուլի խոսնակ Կիմա Ավդալյանի հետ, ով նշեց, որ 4 անձ ձերբակալվել է։
«Հաղորդման հիման վրա 2025 թվականի հուլիսի 16-ին ՀՀ քրեական օրենսգրքի 195-րդ հոդվածի 2-րդ մասի 5-րդ կետով, 297-րդ հոդվածի 2-րդ մասի 1-ին կետով և 297-րդ հոդվածի 3-րդ մասով նախաձեռնվել է քրեական վարույթը: 4 անձ ձերբակալվել է»,– նշեց Ավդալյանը։
Նշենք, որ այս պահին ևս գործողություններ են կատարվում, և դեռ պարզ չէ՝ քանի՞ հոգու են ձերբակալել։
Մարիաննա Արամյան