- Իրանի հրթիռային հարվածները Իսրայելի վրա ամբողջությամբ կաթվածահար են արել Թել Ավիվը, քաղաքի բնակչությունը իր ժամանակի մեծ մասն անցկացնում է ապաստարաններում, հայտնել է Fars լրատվական գործակալությունը;

- Իսրայելի պաշտպանության ուժերի հետախուզության ղեկավար, գեներալ-մայոր Շլոմի Բինդերը երեքշաբթի օրը իր հետախուզության աշխատակիցներին ասել է, որ նրանք ճեղքել են իրանական պաշտպանությունը՝ Թեհրան տանող ճանապարհ հարթելու և Իրանի բարձրաստիճան զինվորական հրամանատարներին հարվածելու համար։ «Հիշե՛ք, որ մենք գործում ենք ոչ միայն մեկ ճակատում», - ասել է նա;

- ԱՄՆ-ն չի պատրաստվում հարվածել Իրանին, բայց կպաշտպանի իր շահերը տարածաշրջանում, հայտնել է Պենտագոնի խոսնակ Շոն Փարնելը;

- Թրամփը բացատրել է, թե ինչու է կոչ արել Թեհրանի բնակիչներին տարհանվել։ «Ես հույս ունեմ, որ Իրանի համար միջուկային ծրագիրը կչեղարկվի առանց ամերիկյան միջամտության... Իրանը շատ մոտ է միջուկային զենք ստանալուն: Ես կոչ արեցի Թեհրանից տարհանել քաղաքացիական անձանց՝ նրանց պաշտպանելու համար: Ես իսկապես ուզում եմ վերջ դնել Իրանի միջուկային հարցին», - ասել է ԱՄՆ նախագահը «CBS News»-ին տված հարցազրույցում;

- Թրամփը ասել է, որ ինքը շատ հակված չէ Իրանի հետ բանակցելուն։ ԱՄՆ նախագահը նաև հայտարարել է, որ կարող է հատուկ դեսպանորդ Սթիվ Վիտկոֆֆին և փոխնախագահ Ջեյ Դի Վենսին ուղարկել այս բանակցություններին, գրել է «Ռոյթերսը»;

- Իրանի Նաթանզի ուրանի հարստացման գործարանի ցենտրիֆուգները «ծանր վնասվել են, եթե ոչ ամբողջությամբ ոչնչացվել» հունիսի 13-ին Իսրայելի հարվածներից հետո, BBC-ին ասել է ԱԷՄԳ-ի ղեկավար Ռաֆայել Գրոսին։ Նրա խոսքով՝ ստորգետնյա դահլիճում ցենտրիֆուգների վնասը պայմանավորված է եղել էլեկտրաէներգիայի անջատումներով, որոնք առաջացել էին ավերված վերգետնյա օբյեկտի պատճառով; Սպահանում, ըստ ԱԷՄԳ-ի, ոչնչացվել են միջուկային տեխնոլոգիաների կենտրոնի չորս շենքեր։ Ֆորդոյի գործարանում «եթե որևէ վնաս է գրանցվել, այն շատ աննշան է եղել»։