Մալայզիայում ավարտվել է Ռուսաստանի արտաքին գործերի նախարար Սերգեյ Լավրովի և ԱՄՆ պետքարտուղար Մարկո Ռուբիոյի հանդիպումը:
ՌԴ ԱԳՆ-ն հայտնել է, որ նախարարները կարծիքներ են փոխանակել Ուկրաինայի շուրջ կարգավորման, Իրանի և Սիրիայի շուրջ ստեղծված իրավիճակի, նաև մի շարք այլ միջազգային խնդիրների շուրջ:
Կողմերը հաստատել են կոնֆլիկտային իրավիճակների խաղաղ հանգուցալուծման որոնման, ռուս-ամերիկյան տնտեսական և հումանիտար համագործակցության վերականգնման, երկու երկրների հասարակությունների միջև անարգել շփումների փոխադարձ տրամադրվածությունը, ուղիղ ավիահաղորդակցության վերսկսումը:
Բանակցությունները տևել են 50 րոպե:
Ռուբիոն Լավրովին իր վարչակազմի հիասթափությունն ու դժգոհությունն է հայտնել Ուկրաինայի պատերազմը դադարեցնելու հարցում Մոսկվայի անբավարար ջանքերի ու ճկունության բացակայության համար։
«Մենք ուզում ենք տեսնել այս հակամարտությունն ավարտելու ճանապարհային քարտեզ»,- ասել է Ռուբիոն։