Ամռանը ծխելու վնասը դառնում է ավելի նկատելի։ Նիկոտինի հետ զուգակցված ջերմությունը կարող է զգալիորեն մեծացնել սրտանոթային համակարգի ծանրաբեռնվածությունը և առաջացնել լուրջ բարդություններ, «Իզվեստիա»-ին ասել է ընտանեկան բժիշկ և գաստրոէնտերոլոգ Շոթա Կալանդիան։
Մասնագետի խոսքով՝ շոգ եղանակին ծխելը ուժեղացնում է արյան անոթների նեղացումը, արագացնում է զարկերակը և բարձրացնում արյան ճնշումը։ Այս ամենը մեծացնում է սրտի և անոթային հիվանդությունների, այդ թվում՝ հիպերտոնիայի, ինսուլտի և սրտի կաթվածի զարգացման հավանականությունը։
«Շոգի ֆոնին օրգանիզմն արդեն իսկ սթրեսի մեջ է, և ծխելը նպաստում է արյան մածուցիկության բարձրացմանը և թրոմբոցիտների մակարդակի բարձրացմանը։ Արդյունքում, թրոմբոզի ռիսկը մեծանում է։ Հատկապես, եթե մարդը քիչ ջուր է խմում», - զգուշացրել է բժիշկը։
Բացի այդ, ծխելը վատթարացնում է արյան թթվածնով հագեցվածությունը և նվազեցնում օրգանիզմի ընդհանուր տոնուսը։ Շոգ եղանակին դա կարող է հանգեցնել ուժեղ հոգնածության, դյուրագրգռության, կենտրոնացման նվազման և ընդհանուր թուլության։
«Երբ բավարար օդ չկա, և մարդը ծխում է, դա ավելի է վատթարացնում հյուսվածքներին թթվածնի մատակարարումը։ Արյան շրջանառությունը խաթարվում է, նյութափոխանակությունը դանդաղում է, և աշխատունակությունը տուժում է», - պարզաբանել է Կալանդիան։
Բժիշկը խորուրդ է տվել հատկապես ուշադիր շոգ եղանակին և, եթե հնարավոր է, թողնել ծխելը գոնե բարձր ջերմաստիճանի ընթացքում։