Ռուսաստանի Դաշնության պետական դուման լիագումար նիստի ընթացքում վավերացրել է Հայ-ռուսական (Սլավոնական) համալսարանի վերաբերյալ Հայաստանի ու Ռուսաստանի կառավարությունների միջև ստորագրված համաձայնագիրը։
Համաձայնագիրը միտված է համալսարանի մանկավարժական, գիտական, տնտեսական և ֆինանսական գործունեության հետագա կատարելագործմանը, համալսարանի կառավարման գործիքների ամրապնդմանը՝ հաշվի առնելով հիմնադիրների շահերը, նաև միտված է Ռուսաստանի Դաշնության դրական կերպարի ամրապնդմանը Հայաստանի Հանրապետությունում և համաշխարհային հումանիտար տարածքում։
Հայ-ռուսական համալսարանը գործում է Ռուսաստանի և Հայաստանի համատեղ իրավասության ներքո։