Այսօր՝ մայիսի 29-ին, խոշոր հրդեհ է տեղի ունեցել Արմավիրի մարզում։ Ժամը 15:20-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Արտիմետ գյուղում վագոն-տնակ է այրվում։

Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել Վաղարշապատի թիվ 29 հրշեջ-փրկարարկան ջոկատից 2 մարտական հաշվարկ։

Մինչ հրշեջների ժամանումը կրակի դեմ պայքարել են քաղաքացիները, ապա ժամանած հրշեջները մարել են այն։

Ամբողջությամբ վագոն-տնակը վերածվել է մոխրակույտի։

Ըստ նախնական տեղեկությունների՝ բարեբախտաբար տուժածներ չկան։

Դեպքի փաստով ոստիկանության Վաղարշապատի բաժնում փաստաթղթեր են ձևակերպվում, որտեղ էլ պարզելու են սեփականատիրոջ ինքնությունը։