Ֆրանսիայի վարչապետ Էլիզաբեթ Բորնը երկուշաբթի օրը հայտարարել է, որ երկրի յուրաքանչյուր ընկերություն հաջորդ ամիս պետք է մշակի էներգախնայողության իր սեփական ծրագիրը՝ կապված Ուկրաինայի շուրջ ստեղծված իրավիճակի պատճառով էլեկտրաէներգիայի պակասի եւ գների կտրուկ աճի մտավախությունների հետ, հայտնում է Reuters-ը:

«Կառավարությունը պետք է օրինակ ցույց տա… յուրաքանչյուր նախարարություն սեպտեմբերին պետք է ավարտի խնայողությունների պլանը՝ էներգիայի սպառումը նվազագույնը 10 տոկոսով կրճատելու համար»,- ասել է Բորնը՝ ելույթ ունենալով Medef առաջատար բիզնես լոբբի խմբի կողմից կազմակերպված միջոցառման ժամանակ:

Նա հավելել է, որ կորպորատիվ էներգիայի պահպանման ծրագրերը կվերանայվեն հոկտեմբերին: