Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

ՀՌՕ օդաչուները ՀՀ երկնքում ուսումնամարզական թռիչքներ են իրականացրել

Blog Image

Հայաստանում ՌԴ ՊՆ Հարավային ռազմական օկրուգի օպերատիվ–մարտավարական ավիացիայի ՄիԳ-29 բազմաթիրախային կործանիչների օդաչուները Հայաստանում ուսումնամարզական թռիչքների ընթացքում ուսումնական խնդիրներ են կատարել։ 

Օդաչուները թռիչքներն իրականացրել են տրված երթուղով լեռնային կիրճերի շրջանում տարբեր խնդիրների կատարմամբ, այդ թվում` զույգերով և շղթաներով տարբեր բարձրությունների վրա, գիշերային և ցերեկային ժամերին մարտական մեքենաների մանևրումների հետ կապված։

«Էրեբունի» ավիաբազայի ուսումնամարզական թռիչքներում ներգրավվել են Հայաստանում ՌԴ ՊՆ Հարավային ռազմական օկրուգի ավելի քան 120 զինծառայող, շուրջ 20 միավոր ռազմական և հատուկ տեխնիկա, այդ թվում` ՄիԳ-29 բազմաթիրախային կործանիչներ։

Հայաստանում ՌԴ ՊՆ Հարավային ռազմական օկրուգի մամուլի ծառայությունը հայտնում է նաև, որ ՀՌՕ ռազմակայանի հատուկ նշանակության ստորաբաժանումների զինծառայողները մարզումների կմասնակցեն «Ալագյազ» բարձրլեռնային զորավարժարանում։

Send