Մինչեւ 2027թ․-ը պետք է Շիրակի մարզում լուծվի անօթեւանների խնդիրը․ MediaHub-ի հաղորդմամբ՝ խորհրդարանում այս մասին ասաց Շիրակի մարզպետ Մուշեղ Մուրադյանը։
ՔՊ-ական պատգամավոր Սերգեյ Բագրատյանն էր հետաքրքրվում, թե կոնկրետ ե՞րբ է Շիրակում ամբողջապես լուծվելու, այսպես ասած, դոմիկների հարցը։
«Մենք մշտապես համայնքների հետ քննարկում ենք այլ լուծումներ, որ ամբողջությամբ անօթեւանների բեռը չթողնենք պետության վրա։ 2-3 անգամ նշված հարցով իմ պաշտոնավարման ժամանակ քննարկում ենք ունեցել։ Ես լիահույս եմ, որ մենք էլ կունենանք մեր առաջարկները»,-ասաց Շիրակի մարզպետը։
Բագրատյանը խորհուրդ տվեց մտածել նաեւ սոցիալական բնակարանաշինության մասին, որը չի լինի սեփականություն, այլ կտրմադրվի քաղաքացուն որպես սոցիալական բնակարան։
«Այդ պրակտիկան քաղաքակիրթ երկրներում վաղուց ընդունված է»,-նշեց Բագրատյանը։
Շիրակի մարզպետն էլ ողջունեց Բագրատյանի առաջարկը․ «Շատ լավ առաջարկ է, նկատի կունենանք»,-ասաց նա։
Մանրամասն՝ տեսանյութում