Ամերիկայի Միացյալ Նահանգների նախագահ Դոնալդ Թրամփը հայտարարել է, որ «շատ լուրջ» քննարկումների մեջ է Ռուսաստանի հետ՝ Ուկրաինայի հակամարտության դադարեցման շուրջ, գրել են ԶԼՄ-ները։
«Մենք շատ լուրջ քննարկումների մեջ ենք... Ռուսաստանի հետ, այո»,- ասել է նա Սպիտակ տանը լրագրողներին՝ պատասխանելով Ուկրաինայում հակամարտությունը դադարեցնելու նպատակով Վաշինգտոնի և Մոսկվայի երկխոսության մասին հարցին:
Թրամփը նաև խոստացել է, որ «կխոսի» Ռուսաստանի առաջնորդ Վլադիմիր Պուտինի հետ Ուկրաինայում հակամարտությունը դադարեցնելու մասին, և որ գուցե հասնի «էական ինչ-որ բանի»։
Սպիտակ տան ղեկավարը եւս մեկ անգամ նշել է, որ մտադիր է վերջ տալ ուկրաինական հակամարտությանը։
Մեկ օր առաջ Թրամփը հրաժարվել էր հայտնել Ռուսաստանի և Չինաստանի առաջնորդներ Վլադիմիր Պուտինի և Սի Ծինպինի հետ իր շփումների մանրամասները, սակայն նշել էր, որ իրավիճակը «շատ լավ» է զարգանում։
Հինգշաբթի օրը Ռուսաստանի նախագահի մամուլի քարտուղար Դմիտրի Պեսկովը ևս մեկ անգամ ընդգծել էր, որ Ռուսաստանի առաջնորդ Վլադիմիր Պուտինի և ԱՄՆ նախագահ Դոնալդ Թրամփի միջև շփումների պլաններ չկան։