Երևանի քաղաքապետի ընտրություններին ընդառաջ, որպես քաղաքապետի թեկնածու տարբեր անուններ են հայտնվում մամուլում, ավանդաբար խոսվում է նաև այն մասին, թե վերադառնալու են դեմքեր, որոնց մասին ժողովուրդը գրեթե մոռացել էր։
Շրջանառվող անուններից է նաև ՀՀ նախկին վարչապետ Կարեն Կարապետյանը։ Ըստ մամուլի՝ վերջինս քաղաքականություն վերադառնալու հայտարարություն է անելու և նշյալ նախաձեռնության նպատակը նրա վերադարձի համար քաղաքական հենարան ապահովելն է։ MediaHub.am-ը ՀՀ նախկին վարչապետ Կարեն Կարապետյանի նախկին խորհրդական Շուշան Սարդարյանից հետաքրքրվեց, թե արդյո՞ք հավաստի են մամուլում տարածվող լուրերը։
Վերջինս արձագանքեց, որ նման տեղեկություն չունի.
«Չեմ կարող ոչինչ մեկնաբանել, կարծում եմ՝ անհիմն լուրեր են, բացարձակապես նման տեղեկություն չունեմ»,-ասաց նա։
Նշենք, որ ըստ մամուլի հրապարակման՝ «առաջիկայում քաղաքականություն վերադառնալու մասին է հայտարարելու ՀՀ նախկին վարչապետ Կարեն Կարապետյանը, և նշյալ նախաձեռնության նպատակը նրա վերադարձի համար քաղաքական հենարան ապահովելն է։ Թերթի տեղեկություններով, կենտրոնի ստեղծման մասին Ղազինյանն առաջիկա օրերին հանդես կգա հայտարարությամբ»:
Հիշեցնենք նաև, որ Կարեն Կարապետյանի վերադարձի մասին լուրերը ավանդաբար ակտիվանում են Հայաստանում կարևոր քաղաքական միջոցառումների ֆոնին:
Լիաննա Թորոսյան