Թուրքական ընդդիմության առաջնորդ Օզգուր Օզելը Ստամբուլի քաղաքապետ Էքրեմ Իմամօղլուի ձերբակալությունն անվանել է «հեղաշրջման փորձ»։
Ավեկի վաղ հայտնի էր դարձել, որ Թուրքական ոստիկանությունը ձերբակալել է Ստամբուլի քաղաքապետին։
Ոստիկանությունը խուզարկել է նրա տունը: Ընդհանուր առմամբ, հետաքննության շրջանակներում 100 կասկածյալի նկատմամբ ձերբակալության օրդեր է տրվել։
Ստամբուլի քաղաքապետ Իմամօղլուի կալանավորումից հետո Թուրքիան սահմանափակել է մուտքը մի քանի սոցիալական ցանցեր, այդ թվում՝ X, YouTube, Tik Tok և Instagram։ Արգելվել են ցույցերը, հանրահավաքները։
Կալանավորումից առաջ անձամբ Իմամօղլուն տեսանյութ է հրապարակել, որում իր հետապնդումն անվանել է «հարված ժողովրդի կամքին»։ Իմամօղլուն համարվում է Էրդողանի գլխավոր մրցակիցը 2027-ին հնարավոր արտահերթ նախագահական ընտրություններում։
Իմամօղլուն մեղադրվում է հանցավոր կազմակերպություն ղեկավարելու, կոռուպցիայի և Քրդստանի աշխատավորական կուսակցություն հետ համագործակցելու համար։