Դրամի փոխարժեքը՝ այսօր
Եղանակը՝ այսօր
Միջազգային

ՀԱՊԿ բոլոր անդամները խիստ մտահոգված են եղել Ուկրաինայի 2013-14 իրադարձություններով․ ՀԱՊԿ նախկին քարտուղար

Blog Image

ՀԱՊԿ բոլոր անդամները խիստ մտահոգված են եղել Ուկրաինայի 2013-2014թթ. իրադարձություններով, քննարկում էին, թե ինչպես կանխեն նման սցենարն իրենց երկրներում, ՏԱՍՍ-ի հետ զրույցում ասել է ՀԱՊԿ նախկին քարտուղար Նիկոլայ Բորդյուժան։

Խոսքը վերաբերում է Ուկրաինայում 2014թ. փետրվարի 22-ի դեպքերին, որոնց հետեւանքով իշխանությունից զրկվեց Ուկրաինայի այն ժամանակվա նախագահ Վիկտոր Յանուկովիչը։

«Դա քննարկվել է նախագահների հետ։ Բոլորը խիստ մտահոգված էին։ Մտահոգված էին, որովհետեւ բարեկամական երկիրը, ի դեպ, ԱՊՀ անդամ, հայտնվել էր մի իրավիճակում, երբ պարզապես աչքերի առջեւ իրականացվում էր պետական հեղաշրջում»,- ասել է Բորդյուժան։

Նրա խոսքով՝ կազմակերպության բոլոր անդամները խիստ բացասաբար են ընկալել այդ բոլոր իրադարձությունները։ «Բացի այդ, բոլորը քննարկում էին այդ թվում նաեւ նման դեպքերի կանխումը մեր երկրներում»,- ասել է Բորդյուժան։

Send