Վրաստանի Սագարեջո քաղաքում` Ռուսթավելի-Կոստավա փողոցների խաչմերուկում գտնվող բնակարանից 48-ամյա տղամարդը կրակ է բացել բակում գտնվող մարդկանց ուղղությամբ։ Rustavi2.ge-ի փոխանցմամբ՝ տղամարդը սպանել է 6 մարդու, ևս 5 մարդ վիրավոր է։
Վրաստանի Ներքին գործերի նախարար Վախթանգ Գոմելաուրին լրագրողների հետ զրույցում ասել է, որ զոհերի թվում է նաև ՆԳՆ աշխատակից:
Կրակողը նախկին զինվորական է, Վրաստանի պաշտպանության ուժերում ծառայել է մինչև 2021 թ., նա առաքելությամբ եղել է Աֆղանստանում։ ՆԳՆ հատուկ օպերացիայից հետո 48–ամյա տղամարդն ինքնասպան է եղել։
Հետաքննությունը շարունակվում է Վրաստանի քրեական օրենսգրքի երկու հոդվածով, դեպքի վայրում շարունակում են աշխատել իրավապահները։