Ամերիկայի Միացյալ Նահանգների նախկին սենատոր, «Դեմոկրատ» Ռոբերտ Մենենդեսը կաշառակերության և կոռուպցիայի մեղադրանքով դատապարտվել է 11 տարվա ազատազրկման, գրել են ԶԼՄ-ները։
Մենենդեսն իր դեմ հարուցված գործը «քաղաքական հետապնդում է» որակել: «Սա քաղաքական դատավարություն է»,- ասել է Մենենդեսը դատավարությունից հետո։
2024 թվականի հուլիսին երդվյալ ատենակալները նախկին սենատորին մեղավոր են ճանաչել 16 հոդվածներով, ներառյալ՝ կաշառակերություն, շորթում, խարդախություն, արդարադատության խոչընդոտում և որպես օտարերկրյա գործակալ:
Ըստ մեղադրանքի՝ Մենենդես ամուսինները Եգիպտոսի և Կատարի կառավարությունների համար լոբբինգ անելու դիմաց ստացել են կանխիկ գումար, ոսկու ձուլակտորներ, այլ նվերներ։ Սենատորը խոստացել է հեշտացնել Եգիպտոսին ռազմական մատակարարումների, օգնության համակարգումը։