Ինչպես նախընտրական փուլում էի հայտարարել, երբ հրաժավարվում էի ԱԺ պատգամավորի մանդատից, իմ խնդիրը Երևանի ավագանի դառնալը չէր, այլ իշխանափոխությունը և որ մենք այս ընտրություններն օգտագործելու էինք իշխանափոխության նպատակով։ Այս մասին լրագրողների հետ զրույցում հայտնեց ԱԺ նախկին պատգամավոր, Երևանի քաղաքապետի թեկնածու Անդրանիկ Թևանյանը։

«Քանի որ հայտարարել էի, որ ավագանի չեմ լինելու, ես հրաժարվում եմ Երևանի ավագանու մանդատից, խմբակցությունը կղեկավարի Մանուկ Սուքիասյանը։ Եվ մեր 12 անդամներն իրենց ակտիվ գործունեությամբ երևանցիների քվեն կարդարացնեն: Նաև ակնկալում ենք, որ այն քաղաքացիներն, ովքեր չեն քվեարկել, «Մայր Հայաստանի» մեջ կտեսնեն իրենց պաշտպաններին և իրենց խնդիրները բարձրաձայնողներին: Եթե մենք ստանայինք 50+1, իշխանափոխությունն ավելի հեշտ կլիներ։ Մենք իշխանություններին գոնե թույլ չտվեցինք իրենց քույր խմբակցության հետ այդ 50+1-ը ունենան»,- նշեց նա։

Մանրամասները՝ տեսանյութում