Ստեփանակերտի բնակիչները հասել են ռուս խաղաղապահներին, որոնք տեղակայված են ադրբեջանցիների կողմից ճանապարհը փակելու վայրում։ Տելեգրամյան ալիքների փոխանցմամբ՝ ռուս խաղաղապահների ներկայացուցիչները ցուցարարներին ասել են, որ դեկտեմբերի 26-ին միջանցքի հարցը պետք է վերջնականապես լուծվի։ Ասել են նաեւ, որ ճանապարհին անցակետ չի լինելու։ Սակայն հստակ չէ, թե ինչ ասել է միջանցքի հարցի վերջնական լուծում։

MediaHub-ը հիշեցնում է, որ այսօր հարյուրավոր արցախցիներ երթ էին կազմակերպել դեպի ռուս խաղաղապահներ՝ պահանջելով բացել կյանքի ճանապարհը: Հիշեցնենք, որ Արցախը դեկտեմբերի 12-ից շրջափակման մեջ է: