Ուկրաինայի նախագահ Վլադիմիր Զելենսկին ասել է, որ Դոնալդ Թրամփը հրավիրել է իրեն իր երդմնակալության արարողությանը, սակայն հրավերն արվել է ընդհանուր ձևով և առանց անձնական հանդիպման։ Լրագրող Պիրս Մորգանին տված հարցազրույցում նա պարզաբանել է, որ «անպատշաճ» է համարում մասնակցել միջոցառմանը։
«Առաջին հերթին ես կցանկանայի ասել, որ նախագահ Թրամփն ինձ հրավիրել է իր երդմնակալությանը, բայց նա ինձ հրավիրել է ամենաընդհանուր ձևով, ինչպես, հավանաբար, այլ առաջնորդների: <…> Սա, թերևս, ամենակարևոր օրերից մեկն է նրա կյանքում, ամերիկացի ժողովրդի կյանքում, և ես կարծում եմ, որ իմ գալը պարզապես այնքան էլ տեղին չէր», - ասել է Զելենսկին:
Մինչ այս ԱՄՆ նորընտիր նախագահ Դոնալդ Թրամփի որդին՝ Բարրոնը, ասել էր, որ Զելենսկին երեք անգամ խնդրել է իրեն հրավիրել երդմնակալությանը և ամեն անգամ մերժվել է, իսկ «այժմ նա իրեն այնպես է պահում, կարծես ինքն է որոշել չգնալ»։
Հունվարի 16-ին Ուկրաինայի նախագահ Վլադիմիր Զելենսկին ասել է, որ հակամարտությունը դադարեցնելու հնարավորություն կա 2025 թվականին, եթե Թրամփը կարողանա «ճնշել» Ռուսաստանին։