Bloomberg-ի սյունակագիր Հալ Բրենդսն անդրադարձել է Չինաստանի հետ Ճապոնիայի հնարավոր պատերազմին՝ նշելով, թե ինչու է Ճապոնիան պատրաստվում դրան: Ըստ Հալ Բրենդսի՝ պաշտոնական Պեկինի կողմից Թայվանի բռնակցումը աղետալի հետեւանքներ կունենա Ճապոնիայի համար։
«Եթե Թայվանն ընկնի, Ճապոնիայի հարավ-արեւմուտքում գտնվող կղզիները կարող են անպաշտպան մնալ: Չինաստանը կարող է կտրել ճապոնական կարեւոր առևտրային ուղիները, ուժեղացնել ճնշումը վիճելի Սենկակու կղզիախմբի շուրջ կամ այլ կերպ ճնշում գործադրել իր պատմական հակառակորդի վրա:
Նա նշել է, որ Միացյալ Նահանգների համար Չինաստանը «վտանգավոր, սակայն հեռավոր մարտահրավեր է»։ Իսկ Ճապոնիան երկար տարիներ հարեւան է մի պետության հետ, որը կարող է վտանգ ներկայացնել իր գոյությանը։ Հենց այս պատճառով է, Բրենդսը կարծում է, որ Ճապոնիան, որն արդեն տարածաշրջանային խոշոր ռազմական տերություն է, արագորեն փորձում է ամրապնդել զսպման եւ պաշտպանական ոլորտի իր կարողությունների:
«Ճապոնիան ծրագրում է մինչեւ 2027 թվականը գրեթե կրկնապատկել պաշտպանական ծախսերը։ Այն հարավ-արեւմտյան կղզիներից մի քանիսը վերածում է հենակետերի՝ լցված հականավային հրթիռներով եւ հակաօդային պաշտպանության միջոցներով: Հաղորդվում է, որ Տոկիոն ծրագրում է օգտագործել իր բարձրորակ սուզանավերի նավատորմը՝ չինական նավատորմը խափանելու համար: Ճապոնիան պատրաստվում է նաեւ ձեռք բերել ամերիկյան Tomahawk թեւավոր հրթիռներ եւ այլ հակահարվածային զենքեր, որոնք կարող են թիրախավորել Չինաստանը:
Միեւնույն ժամանակ, Բրենդսը քննադատել է Վաշինգտոնին՝ տարածաշրջանում ռազմավարական գործընկերոջ շահերն անտեսելու համար. «եթե Տոկիոն նախընտրում է զսպել հակառակորդին՝ առանց սադրանքների, ապա Միացյալ Նահանգները պարբերաբար սադրում է՝ առանց զսպման»: Այս ամենը հանգեցնում է Ճապոնիայի արագ ռազմականացմանը, ինչը կարող է վկայել ռազմական առճակատման նախապատրաստման մասին։
NEWS.am