Մեծ Բրիտանիայի հեռացող վարչապետ Բորիս Ջոնսոնը հոդված է գրել Daily Mail-ի համար, որում բրիտանացիներին զգուշացրել է առաջիկա ամիսներին սպասվող դժվարությունների մասին:

«Առաջիկա ամիսները դժվար են լինելու, հնարավոր է՝ նույնիսկ շատ դժվար։ Էլեկտրաէներգիայի մեր վճարներն բարձր են լինելու. Մեզանից շատերի համար տների ջեռուցման ծախսերն արդեն սարսափելի են»,- գրել է Մեծ Բրիտանիայի վարչապետը՝ միաժամանակ վստահություն հայտնելով ստեղծված իրավիճակի բարենպաստ ելքի վերաբերյալ։

«Մենք պետք է եւ կօգնենք մարդկանց հաղթահարել ճգնաժամը։ Հարկ վճարողների հսկայական գումարներն արդեն օգտագործվում են մարդկանց վճարումներն իրականացնելուհամար: Այս գումարը հիմա առկա է եւ կշարունակվի լինել առաջիկա ամիսներին:

650 ֆունտ ստեռլինգից մեկ այլ մասն արդեն պետք է վճարվի ութ միլիոն առավել խոցելի տնային տնտեսություններին այս աշնանը: Նոյեմբերին եվս 300 ֆունտ կստացվի թոշակառուների, 150 ֆունտ ստեռլինգ՝ հաշմանդամների համար եւ 400 ֆունտ՝ բոլոր էլեկտրաէներգիա վճարողների համար։

Հաջորդ ամիս՝ ով էլ որ ինձ հաջորդի, կառավարությունը կհայտարարի ֆինանսական աջակցության եւս մեկ հսկայական փաթեթի մասին»,- մասնավորապես ասել է Բորիս Ջոնսոնը։