Շրի Լանկայում վթարի հետևանքով տուժել է 19 ռուս զբոսաշրջիկ։

Ավտոբուսը բախվել է ցեմենտի բեռնատարին։

Ավտոբուսում 30 ՌԴ քաղաքացի է եղել։ Վթարը տեղի է ունեցել Երևանի ժամանակով առավոտյան 7-ին Համբոնտոտա շրջանի Տանգալե հանգստավայրի մոտ։ Ավտոբուսի վարորդը (տեղի բնակիչ) տեղում մահացել է։

Տուժածները հոսպիտալացվել են։ Նրանցից շատերն ունեցել են գլխի փակ վնասվածքներ, կապտուկներ և կտրվածքներ, չորսը՝ կոտրվածքներ, գրել են ԶԼՄ-ները։

Ուղեւորները լեռնային էքսկուրսիայի էին մեկնել։