Այսօր՝ օգոստոսի 6-ին, խոշոր ավտովթար է տեղի ունեցել Արարատի մարզում: Ժամը 10:40-ի սահմաններում Մխչյան գյուղի վարչական տարածքում բախվել են «Opel»-ը և «Nissan» մակնիշի բեռնատարը: Բախման հետևանքով «Opel»-ը մխրճվել է երկաթե արգելապատնեշների մեջ:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի մարմնական վնասվածքներով տեղափոխվել է «Արտաշատ» բժշկական կենտրոն:

Վիրավորին առաջինը օգնության են հասել քաղաքացիները և օպերատիվորեն ժամանած «Արտաշատ» բժշկական կենտրոնի շտապօգնության բժիկների հերթապահ խումբը:

Վթարի փաստով Արարատի մարզային քննչական վարչությունում նախաձեռնվել է քրեական վարույթ , որտեղ էլ պարզվում է վարորդների և վիրավորի ինքնությունը: