ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը
, Լյուքսեմբուրգում ԵՄ ԱԳ նախարարների հանդիպմանը, հայտարարել է, որ Ուկրաինայում իրավիճակը շարունակում է վատթարանալ։
«Ուկրաինայում և Մերձավոր Արևելքում իրավիճակը գնալով վատթարանում է»,- ասել է նա:
Բորելը նշել է, որ ԵՄ երկրների արտգործնախարարները կշարունակեն քննարկել Խաղաղության եվրոպական հիմնադրամի միջոցով Կիևին ռազմական օգնության ֆինանսավորման հնարավորությունը, նաև «Ուկրաինայի հակաօդային պաշտպանության կարողությունների հզորացումը»:
«Մենք պետք է մեծացնենք օգնությունը, սա միակ ճանապարհն է»,- ասել է Բորելը։
Բացի այդ, Բորելը նշել է, որ ԵՄ երկրների միջև խոր տարաձայնություններ կան՝ կապված Մերձավոր Արևելքում սրման ֆոնին Իսրայելին զենք մատակարարելու արգելքի հետ: