Իրանը գիտեր ԱՄՆ-ի և Իսրայելի պլանների մասին՝ կապված Սիրիայում զինված ընդդիմադիր խմբավորումների ակտիվացման հետ, ամբողջ հետախուզությունը փոխանցվել է սիրիական կառավարությանը, Իրանի պետական հեռուստատեսությանը տված հատուկ հարցազրույցի ժամանակ ասել է Իրանի արտգործնախարար Աբբաս Արաքչին։
«Ամեն ինչ պարզ էր։ Եվ վերլուծությունները, և տեղեկատվական հաղորդագրությունները նախապես մատնանշում էին, որ նման շարժում կառաջանա։ Թե վերլուծության, թե հետախուզական տվյալների տեսանկյունից մենք գիտեինք, որ ԱՄՆ-ի և իսրայելական ռեժիմի կողմից կա կուլիսային ծրագիր։ Տեղի ունեցողի և հետախուզության տեսանկյունից մեր երկրում և Սիրիայում հատուկ ծառայությունները լիովին տեղյակ էին ընդդիմության շարժումների մասին ։ Եվ ամբողջ տեղեկատվությունը փոխանցվել է Սիրիայի կառավարությանը և սիրիական բանակին», - հայտարարել է Արաղչին։