Մեկ ամիս առաջ Ջենիֆեր Լոպեսն ու Բեն Աֆլեքն ամուսնացան 20 տարվա բաժանումից հետո։ Գաղտնի տոնակատարությունը տեղի ունեցավ Լաս Վեգասի փոքրիկ մատուռում, որին ներկա էին միայն ամենամտերիմները։ Ավելի ուշ հայտնի դարձավ, որ նորապսակները ևս մի հարսանիք կանեն, այն էլ՝ այս շաբաթ. հայտնում է Page Six-ը:
Այս ուրբաթ տեղի կունենա հարսանեկան արարողության փորձը, իսկ շաբաթ օրը կկայանա հարսանիքը։ Հյուրերի ցանկում են Բենի եղբայրը՝ Քեյսի Աֆլեքը, Մեթ Դեյմոնը, շոումեն Ջիմի Քիմելը, «Shades of Blue» սերիալից Ջեյ Լոյի գործընկերուհի Դրեա դե Մատեոն, այլք։
Տոնակատարությանը երգչուհին կրելու է Ralph Lauren-ի զգեստը, որը դիզայները ստեղծել է հատուկ դերասանուհու համար։
«Ամեն ինչ կլինի Ջեյ Լոյի համար: Բենը ցանկանում է, որ այդ կարևոր օրն ամբողջ ուշադրությունը սևեռված լինի նրա վրա», - հայտնում է Page Six-ի ինսայդերը: