Բագրատաշենի անցակետում գտնվող պահեստում բռնկված հրդեհը մարվել է ժամը 16։18-ին։ Այս մասին հայտնում են ՆԳՆ Փրկարար ծառայությունից։

Ավելի վաղ հայտնել էինք, որ Բագրատաշենի անցակետի պահեստում բռնկված հրդեհը մեկուսացվել է ժամը 14։24-ին։ Հրդեհի հետևանքով տուժել է 3 անձ, որոնց տեղում փրկարարներն ու ոստիկանները ցույց են տվել առաջին օգնություն։ Նրանք տեղափոխվել են բժշկական կենտրոն։