Սիրիայի՝ Մոսկվայի Մանսուրովսկի նրբանցքի վրա տեղակայված դեսպանատան վերևում բարձրացվել է սիրիական ընդդիմության դրոշը, հայտնել է ՏԱՍՍ-ը։

Երկրում իշխանության է եկել ջիհադիստական ընդդիմությունը։

Դեկտեմբերի 8-ի երեկոյան Մոսկվայում երկրի դեսպանատան վրայից հանվել էր Սիրիայի դրոշը։ Դա տեղի էր ունեցել այն բանից հետո, երբ նույն օրն առավոտյան ահաբեկչական խմբավորումների զինյալները վերահսկողություն էին հաստատել Դամասկոսի վրա։

Իսպանիայում, Սաուդյան Արաբիայում և Աթենքում երկրի դիվանագիտական ներկայացուցչություններում, ըստ լրատվամիջոցների, արդեն կախված են նոր կանաչ-սպիտակ-սև դրոշներ՝ 3 կարմիր աստղերով։ Ասադի օրոք Սիրիայի դրոշը կարմիր, սպիտակ և սև էր՝ 2 կանաչ աստղերով։