Ռուսաստանը պատրաստ է իր ներդրումն ունենալ Երևանի ու Բաքվի միջև հարաբերությունների կարգավորման հարցում հայտարարել է ՌԴ արտաքին գործերի փոխնախարար Միխայիլ Գալուզինը։
«Դրան հասնելու հիմնական ուղղություններն ուրվագծվել են ՌԴ, ՀՀ և Ադրբեջանի՝ 2020 և 2022 թվականների եռակողմ համաձայնագրերում»,- ասել է նա։
«Մենք ենթադրում ենք, որ այս ուղղություններով էլ պետք է առաջ շարժվել՝ խաղաղության պայմանագրի նախապատրաստում, տնտեսական կապերի և տրանսպորտային կապուղիների ապաշրջափակում, սահմանների սահմանազատում՝ հաջորդող սահմանագծմամբ, ՀՀ ու Ադրբեջանի քաղհասարակության միջև երկխոսության հաստատում»,- նշել է Գալուզինը։
Փոխնախարարը նաև ասել է, որ ռուսական կողմը՝ իբրև եռակողմ պայմանավորվածությունների մասնակից, պատրաստ է հետագայում ևս իր ներդրումն ունենալ դրանց իրագործման հարցում։