Սրտի հիվանդությունները ավելի ու ավելի հաճախ ախտորոշվում են ոչ թե տարեցների, այլ երիտասարդների մոտ: Հիպերտոնիայի թաքնված վիճակներից մեկը քունն է, KP.RU-ին այս մասին ասել է սրտաբան, բժշկական գիտությունների դոկտոր Յանա Օռլովան:
«Ինչո՞ւ է քնի ավելացումը օգտակար: Սա, ամենայն հավանականությամբ, բացատրվում է նրանով, որ ինը ժամից ավելի քնող մարդիկ լիարժեք գիշերային քուն չունեն: Նրանց քունը ընդհատվող է, մակերեսային, քնի ընթացքում կարող են լինել շնչառական խնդիրներ կամ այլ դժվարություններ: Այդ դեպքում մարդը կարող է ցերեկային քնկոտություն ունենալ՝ այդ քունը լրացնելու համար»,- նշել է մասնագետը:
Օրլովան ընդգծել է, որ 2022 թվականի հետազոտությունների համաձայն՝ քնի իդեալական տևողությունը 7-8 ժամ է: Թե՛ չափազանց քիչ, թե՛ չափազանց շատ քունը կարող է մեծացնել սրտանոթային և այլ հիվանդություններից մահվան ռիսկը:
Բժիշկը շեշտել է, որ չպետք է հույս ունենալ «քնի հետ հասնել» հանգստյան օրերին: Բացի այդ, մշտական քնկոտությունը, որը չի անցնում, կարող է լուրջ խանգարումների ախտանիշ լինել: Այս դեպքում ավելի լավ է դիմել բժշկի և ստուգել քնի որակը: