Դրամի փոխարժեքը՝ այսօր
Եղանակը՝ այսօր
ԿԱՐԵՎՈՐ ԼՈւՐԵՐ

Վերադարձրեք մեր տղաներին. անհայտ կորածների ծնողները փակեցին Եվրատեսիլի պաստառները

Blog Image

Անհայտ կորած զինծառայողների ծնողները Ազատության հրապարակից երթով եկան Հանրապետության հրապարակ:

Նրանք այս պահին հրապարակում նստացույց են իրականացնում: Ծնողների ձեռքին պաստառներ են, որոնց վրա նշված է, մասնավորապես, որ Ադրբեջանը խախտել է նոյեմբերի 9-ի եռակողմ հայտարարության այն կետը, որով պարտավորվում էր վերադարձնել հայ ռազմագերիներին:

Պաստառների միջոցով նրանք նաև դիմել են ՌԴ նախագահ Վլադիմիր Պուտինին՝ ռուսերենով՝ աջակցել վերադարձնել իրենց երեխաներին:

Ծնողներն այդ գրությամբ պաստառները տեղադրեցին Մանկական Եվրատեսիլի պաստառների առջև՝ դրանով քողարկելով Երևանում դեկտեմբերին կայանալիք միջազգային միջոցառման գունեղ պաստառները:

Նշենք, որ այս պահին ոստիկանները որևէ կերպ չեն խոչընդոտում ծնողների գործողություններին ու չեն միջամտում:

Հ.Գ. Այս պահին ծնողները շարժվեցին դեպի Քննչական կոմիտե:

Լիա Սարգսյան

Send