Այսօր ՄԱԿ-ի գրասենյակի դիմաց արցախցիները ակցիա են սկսել՝ պահանջելով, որպեսզի միջազգային կառույցը քայլեր ձեռնարկի և լուծումներ գտնի ստեղծված իրավիճակից դուրս գալու համար։
Լրագրողների հետ զրույցում Լիանա Պետրոսյանն ասաց, որ արդեն մեկ ամիս է՝ տարբեր նախաձեռնություններով են հանդես գալիս, սակայն արդյունք չկա։
«Այսօր հավաքվել ենք՝ հույս ունենալով, որ երեկոյան ՄԱԿ ԱԽ-ում քննարկվելիք Արցախի հարցի վրա մեծ ուշադրություն կհրավիրվի։ Սա արդեն երկրորդ փորձն է Լաչինի միջանցքի ապաշրջափակման հետ կապված: Ցավոք, առաջինի դեպքում եղան միայն քննարկումներ և կոնկրետ պահանջներ, պատժամիջոցներ չկիրառվեցին»,-ասաց նա՝ հույս հայտնելով, որ գոնե այս անգամ հստակ պահանջներ, պատժամիջոցներ կներկայացվեն։
Պետրոսյանը ՀՀ իշխանությանը կոչ արեց հետ կանգնել Արցախը Ադրբեջանի կազմում ճանաչելու կործանարար դրույթներից և տեր կանգնել Արցախի ինքնորոշման իրավունքին։
«Ադրբեջանն ուզում է Արցախը հայաթափել և տիրանալ դրան ամբողջությամբ»։
Մանրամասները՝ տեսանյութում