Միացյալ Նահանգների նախագահ Ջո Բայդենը Սպիտակ տանը կհանդիպի ընտրությունների հաղթող Դոնալդ Թրամփի հետ։

Նրանք քննարկելու են ներքին և արտաքին քաղաքականության առաջնահերթությունները և իշխանության փոխանցումը, հայտնել են ամերիկյան լրատվամիջոցները։

Իրադարձությունը, երբ հեռացող ամերիկացի առաջնորդը հանդիպում է իրավահաջորդի հետ, ավանդական գործընթաց է։ Սակայն 2020 թվականին Թրամփը Բայդենին չէր հրավիրել նման հանդիպման։

Ավանդաբար նման հանդիպումներին քննարկում են երկրի վիճակը և քաղաքականության առաջնահերթությունները, իսկ հետո Սպիտակ տան պաշտոնյաները հանդիպում են հաջորդ վարչակազմի անցումային թիմի հետ: